3 نظريات عملية ينوروا لك بداية الطريق كطبيب اسنان
اتخرجت من كلية طب اسنان ، ولسه يادوب بتبدا رحلتك العملية والمهنية بعد 5 سنوات دراسة وسنة امتياز ، وسمعت اكيد عن حماس البدايات من الاطباء الاقدم منك ، وقالوا لك انك اكيد هتعانى بعدين ومحتاج نفس طويل .
معظمنا الطريق بيكون ضبابى فى البداية ومش واضح ، ومحتاجين حاجة تنور لنا الطريق ، وبنسمع ، انا ايه اللى جابنى مجال طب الاسنان ، ولو بتدخل جروبات الاسنان الكبيرة على الفيسبوك بتلاقى الدنيا معقدة و اغلب الاطباء عاوزين يعملوا كاريير شيفت .
فى المقال 3 نظريات عملية ينوروا لك بداية الطريق علشان تشوف هل انت هتقدر تكمل او الافضل لك تكمل ولا تعمل شيفت للكاريير ، وهل انت ماشي فى الطريق الصح ، هل ده شغفك ؟؟ ازاى اكون سعيد بالنجاح اللى وصلت له ؟؟
اول نظريه ( عقلية الحرفى وعقلية الشغف ) :
من كتاب " So Good They Can't Ignore You " كن اروع من ان يتجاهلوك
الكاتب Cal Newport ، بيتكلم فى الكتاب ده عن عقلية الشغف وعقلية الحرفي ، هسيب لحضراتكم لنك لفيديو ملخص افكار الكتاب بطريقة جيده جدا .
لكن انا هتكلم عن نقطتين هامتين فى الكتاب :
اول امر هام انك لازم تكون عارف ان الشغف بيتم صناعة مع الوقت ، وان جملة اتبع شغفك تكاد تكون غير صحيحة .
الامر الثانى ، عقلية الحرفى Craftsman mindset ، هى التى يصل اليها الاشخاص الناجحين وبها يصلوا لشغفهم ، بيتعلموا المهارات المطلوبة وبعدها بيحاولوا ويمارسوا ويطبقوا ، ثم يفشلوا ثم يحاولوا مرة اخرى حتى يحصل لهم التمكن Mastery .
اول عنصر فى النظرية : الابداع Creativity
فكرة انك عندك مساحة انك تبدع فى عملك ، بيخليك سعيد بالعمل ده وحاسس بالتالى ان ده شغفك اللى كنت بتدور عليه .
لذلك تلاقينا كأطباء سعداء فى عملنا الخاص عن الحكومى وده لان مفيش حدود لامكاناتاك وابداعاتاك لان الادوات متوفرة والمهارات من الممكن تطبيقها وبيئة العمل ملائمة جدا فى العيادة الخاصة بالمقارنة بالوحدة او المستشفى .
ثانى عنصر فى النظرية : التحكم Control
فى عملك الحكومى انت مقيد بمواعيد عمل وحضور وانصراف وقدر معين من العمل ، وهناك مدير يمكنه التحكم فى ما تعمله .
بعكس العمل الخاص انت ملك قرارك ، وعندك حرية كبيرة فى اختيار ماتعمله ، بالاضافة لاختيارك لمواعيدك واوقات العمل بحرية وبدون تقيد لان صاحب العمل ومدير المنشأة .
ثالث عنصر فى النظرية : التأثير Impact
لو حضرتك مبدع و متحكم فى عملك وشغلك فارق مع الناس ولك تأثير فى حياتهم ، فانت كده هتوصل للسعادة والشغف بعملك .
العناصر الثلاثة عند الاشخاص بنسب متفاوتة ، بمعنى تجد من يفضل الابداع على التأثير والتحكم ، واخر يفضل التحكم على العنصرين الاخرين وهكذا .
تطبيق النظريه فى العمل الحكومى :
1- لتطبيق الابداع فى عملك الحكومى كطبيب اسنان :
- يجب ان تدرك قيمة ماتعمله .
- اخرج عن المألوف وفكر خارج لصندوق ، بمعنى انك تركز حواليك فى امور الاطباء الاقدم منك وتواجدهم وتأثيرهم ، وطالما وصلوا لنتيجة ثابتة فحاول تتجنب الفكر الثابت .
- اخلق الابداع انت بنفسك سواء شغلك فى وحدة صحية او تأمين صحى .
- تقدر تجهز ادواتك وتشتغل بيها كمثال جهاز الروتارى او الابكس الخاص بك .
- تقدر تبدع فى افكار جديدة تخليك رايح شغلك الصبح علشان حاجة مفيدة تساعد بيها الناس .
2- لتطبيق التحكم فى عملك الحكومى كطبيب اسنان :
- بالفعل انت متحكم بمواعيدك وتواجدك بالعمل الحكومى لانك بتقوم بتقسيم العمل مع الزملاء ( بالنسبة للعمل بالوحدات الصحية ) .
- ومن الممكن زيادة عنصر الابداع السابق ذكره بالتحكم بتمكنك وزيادة مهاراتك فى تخصص معين وبالتالى اختياراك للحالات التى تود التعامل معها لانك اصبحت متخصص .
3- لتطبيق عنصر التأثير فى عملك الحكومى كطبيب اسنان :
- ليس من اللازم تقديم شيء عظيم للمرضى او المترددين على الوحدة .
- يكفيك تقديم الخدمة المتاحة لهم بطريقة طيبة وجيدة وباكرام لانسانيتهم .
- لو لم تجد شيئا تقدمه ، قدم لهم التشخيص السليم و النصح السليم ووجههم للمكان السليم لتلقى الخدمة .
- اعمل شيئا يحدث فارق بسيط مع الناس ، شيئا يتذكروك به .
ثان نظريه ( ابدأ بلماذا Start with why ) :
تكلم عنها كاتب ومؤلف مشهور اسمه Simon Sinek فى كتاب مشهور له اسمه Start With Why
الكاتب بيتكلم عن دائرة سماها Golden Circle هتلاقوا الشرح فى الفيديو الموجود بالمقال 👆
بيبدأ الكاتب الدائرة من الداخل من Why واللى بتنبع من داخلك ، ما الدافع القوى الذى جعلك مقبل على هذا العمل او تقديم هذه الخدمة او عمل هذا المنتج ؟؟!
وبيوضح لنا الكاتب ان شركات مشهورة بدأت الدائرة من الخارج What ، مجرد منتج هيقدموه دون معرفة السبب او الدافع او طلب الجمهور ، لذا لم يبع المنتج وفشل الامر معهم .
تطبيق النظريه مع طبيب الاسنان :
- لما تبدأ مشروعك الخاص ( عيادتك) لازم تفكر كويس انت عاوز تفتح عيادة ليه ، ايه الدافع الداخلى القوى ، ميبقاش دافع ضعيف زى انى علشان اتخرجت او علشان معايا مال او حتى علشان اعمل مثل زملاء المهنة .
- بمعنى اوضح شوف انت متمكن من انك تفتح بيزنس عيادة حاليا وتقدر تشتغل لوحدك وتقدم شيء جيد للمترددين على عيادتك ، ايه الاضافة اللى هتقدمها .
ثالث نظرية ( نظرية التحفيز Motivation Theory ):
الكاتب Daniel Pink اتكلم عن نظريه التحفيز فى العمل وان النظريه القديمة اللى بتعتمد فكرة العصا والجزرة لاتجدى فى العمل ولاتحفز الناس على العمل بجد .
1- الدافعية الذاتية (Autonomy ) :
Our desire to be self directed . It increases engagement over compliance .
ده تعريف الكاتب بيقول انها رغبتنا الذاتية فى العمل بتوجه نابع من انفسنا ، وانها بتزود اقبالنا على العمل بشكل افضل من مجرد امتثالنا لاوامر المديرين .
التطبيق لطبيب الاسنان :
- تجد الكثير يعمل دون رقابة او انتظار امر من مدير ، يعمل لانه يحب عمله وضميره الداخلى يحتم عليه العمل .
2- التمكن (Mastery ) :
The urge to get better skilled .
الكاتب بيوضح انها الحاجة الملحة للحصول على مهارات ، توصلنا للتمكن والاحتراف وبالتالى ترغب فى التعلم والحصول على مهارات اكثر لانك تمكنت مما تعمله وهكذا مما يحفزك على العمل باستمرارية .
التطبيق لطبيب الاسنان :
كلما تعلمت اكثر وتمكنت من مهاراتك كلما كان حافزا لك على الاستمرارية فى العمل .
3- الهدف والقيمة (Purpose ) :
The desire to do somthing that has meaning and is important
ماهى قيمة ماتعمله ، وهل ماتعمله له معنى عظيم فى حياتك ، دائما خلى المعنى ده فى حياتك علشان ده بيحركك جيدا لما تتوقف اثناء الرحلة ، وبيخليك متندمش او تحزن وقت الازمات .
بداية موفقة باذن الله .
