افكار للخروج من دوامة الشغل لاطباء الاسنان

كتير مننا كأطباء وبخاصة اطباء الاسنان ، من اول مابنتخرج بندخل فى دوامة الشغل والتعلم والمعافرة .

وبننسى اهلنا وعيلتنا ونفسنا كمان وسط الدوامة دى .

شاهد الفيديو الموجود بمنتصف المقال 👇 ، علشان تتعرف على 10 افكار تخرجك من الدوامة دى ومتنساش نفسك لحد متلاقى نفسك كبرت ومنبسطتش بالحياة ولا بالشغل ولا بالعيلة ، مجرد انك بس بتدور فى ساقية .

هتلاقى فى المقال ده روابط او لنكات مساعدة للوصول للافكار وكنت ذكرتها لكم بالفيديو تساعدك كطبيب اسنان تخرج من دوامة الشغل اللى ممكن بعد فترة توصلك لحدوث احتراق وظيفى وملل وزهق من الشغل والحياة ، فرجاءا الحق نفسك قبل ما الدوامة تسحبك .

10 افكار للخروج من دوامة الشغل لاطباء الاسنان

1 دور على هواية :

الهوايات كتير ومتنوعة ومن اسمها ، مايهوى القلب ، يعنى بتلاقى معاها راحتك وبتنسى همومك .

افصل من موبايلك والسوشيال ميديا .

زى ركوب الخيل وتعلم العزف على الات موسييقية مختلفة والصيد وغيرها كتير .

فكر ايه الللى ممكن تعمله لو عندك وقت ويخرجك من مود الشغل .

ايه اللى كان نفسك تتعلمه وانت صغير ايام لما كان عندك وقت بس مفيش فلوس.

كان نفسك تلعب بيانو او جيتار.

👈قناة على اليوتيوب بتعلمك بيانو وجيتار وموسيقى مجانا ( Ahmed Wagdy)

👈جروب لتعليم البيانو للمبتدئين على الفيسبوك

كان نفسك تتعلم ركوب الخيل.

قناة احمد المانع لتعلم ركوب الخيل

قناة النصرى لتعلم ركوب الخيل

نفسك تتعلم صيد الاسماك

دورة تعلم صيد الاسماك للمبتدئين

👈كان نفسك يادكتورة تتعلمى هاند ميد زى اعمال الكروشيه والتريكو وغيرها اعمال يدوية

جمييلة فيها صنعة بتخرجى فيها طاقتك وتحولى افكارك السلبية لايجابية.

اكتبى فى جوجل كورسات تعلم هاندميد او كروشيه او صلصال حرارى او ايا كان

هتلاقى ماتيريال كتيرة جدا .

اولا كورسات مجانية فى الهاندميد :

28 كورس مجانى فى فن الكروشيه على منصة يودمى

كورس كروشيه مجانى على منصة يودمى بالعربى ومجانى .

ثانيا كورسات مدفوعة فى الهاندميد :

وده مثال لدورات تدريبية وكورسات ( مدفوعة ) على منصة المنتور، فى الاعمال اليدوية

والكروشيه وصناعة الاكريليك وصياغة الحلى وفنون التطريز والتعامل مع الزجاج

والقماش وغيرها (( لنك الدورات هنا ))

- تعليم كروشيه ( كورس مدفوع ) على منصة online creative courses

مواقع تهتم بالهاندميد :

موقع فكرة هاندميد : اعمال الصلصال الحرارى والتطريز والرسم والريزن وغيرها
هاند ميد اكاديمى : كورسات

فكر فى الكلام ده ومتتحججش بالوقت ، تتبع وقتك كده دور ودعبس هتلاقى وقت مقطوع

من عمرك لحاجات تافهة ومفييش ممنها عائد عليك كله مجرد اشباع لحظى والنتيجة

زيرو ، هتلاقى وقت بتكون فيه نايم كتير او بتتفرج على التليفزيون كتير او بتسكرول

على السوشيال بلاهدف او قاعده تجيبى فى سيرة الناس مع صاحبتك فى التليفون .

ممكن تتفرج على الفيديو ده لتنظيم وقتك كدكتور اسنان

2 القراءة :

مش محتاج اتكلم عن فوائد القراءة ، لكن مهم جدا تغذى عقلك وتقوي عضلة مخك بالقراءة ، كمان علشان تقلل فرصة حدوث مرض النسيان العصرى والمعروف بالزهايمر .

ترشيحات لكتب وروايات

كتب ومؤلفات رائعة لطبيب الاسنان " احمد خيرى العمرى " ، تشجعك على القراءة

ترشيحات روايات من عصير الكتب

ترشيحات روايات عربية من اراجيك

حابب افكرك ان افضل واغلى واعظم كتاب ممكن تقرأه هو القران الكريم ، وافتكر الاية الكريمة " فاذا فرغت فانصب والى ربك فارغب " لما تلاقى نفسك تعبان ومرهق من مشقة العمل والحياة روح لكتاب ربك

تطبيق على الموبايل رائع بتقدر تحدد به ورد يومى وختمه وبه تفسير

3 الرياضة :

زى ما القراءة بتمرن المخ ، الرياة يتمرن الجسم اللى بيحتويك وبيحوى المخ ، والمقولة المعروفة بالعقل السليم فى الجسم السليم ، اكيد مفيش فيها فصال .

اضعف الايمان 10 دقائق رياضة الصبح قبل ماتنزل شغلك او حتى تتمشى بين بيتك وعربيتك او المواصلة ومن المواصلة او عربيتك للشغل ، والعكس وانت مروح اخر يوم عملك ،،وابقى انزل بدرى شوية علشان متستعجلش وتمشي براحتك .

فيديوهات من اليوتيوب

تمارين سويدى بسيطة تعملها صباحا قبل الشغل

4 خلى لك خروجة اسبوعيه :

هركز على الخروج مع الاولاد لان ده بكون تقيل علينا بالذات مع اسبوع شاق وحاسس

انك محتاج تنام يوم الاجازة ومبتصدق يخرجوا علشان ترتاح من الدوشة

عاوز اقولك ان ولادك بيكون مستنيين يوم الخروجة وهيتبسطو لو خرجت معاهم بس

صدقنى وصدق نفسك لما تقولك ..انت اللى محتاج الخروجة ..خليها عادى حنى لو مرهق

طول الاسبوع.

وسييب نفسك وخلى ادارة الفسحة لزوجتك واعتبر نفسك خارج معاهم مش هم اللى

خارجين معاك ، هتنبسط صدقنى.

طيب انا عاذب او متزوج بس مقدرش استغنى عن اصحابى وخروجاتهم ، هقول

لحضرتك نقطتين :

رتب مواعيد لاسرتك اولا ثم لو تبقى وقت من اجازتك لاصحابك

النقطة التانية اللى هتفرق فى نفسيتك ، بلاش تنسى اصدقائك القدام اللى كانوا اصحابك زمان ، تليفون حتى لدفعتك اللى كان معاك فى الجيش او دفعة دراسة فى الكلية وافتكروا ذكرياتكم فى المرحلة دى ، بعد ماتقفل معاه هتنبسط جدا وتقول انا مبعملش كده ليه علطول .

5 جرب او جربى تصنعى اكلة جديدة

اعمل او اعلملى وصفة جديدة من الاكلات من المطابخ الغريبة على بلدك .

تجربة جديدة ممتعة حتى لو لم تنجح .

6 اتعلم لغة جديدة :

اي لغة تتعلمها غير اللغة الام بتنور عقلك وبتزود التشابكات العصبية وبتقوى ذاكرتك وبتكون سعيد جدا وانت متميز بلغة جديدة عليك ، تقدر تساعد بها نفسك او اطفالك فى دراستهم .

فوائد تعلم لغة جديدة ( بحث جوجل )

ترشيحات لكورسات

افضل قناة لتعلم اللغة الانجليزية على اليوتيوب

قناة طليق لتعلم اللغات المختلفة

7 اتعلم تدوين ( اعمل مدونة خاصة بك )

اعمل مدونة زى ادارى اسنان واكتب عليها افكارك او عن هواية بتحبها او رواية او قصص قصيرة او موضوع بتحب تشاركه مع الناس وتكون حاجة خارج مجال شغلك و تخصصك ومش هادف للربح على الاقل فى الاول علشان ميكونش هدفك الفلوس فتتعقد ان مفيش مقابل

على بلوجر ودى خدمة تابعة لجوجل مجانية بالكامل بيعطيك نطاق مجانى .

محتاج يكون معاك :

لابتوب عادى خالص
حساب على جوجل علشان تعمل مدونة على بلوجر .
بتحب تكتب على الكيبورد .

قنوات تعلمك ازاى تعمل مدونة احترافية ( لو حابب تكمل لحد مرحلة الربح منها ) \

8 اتعلم soft skills

مهمة جدا المهارات الناعمة الى جانب المهارات العملية الصعبة فى شغلك وحياتك ، باذن الله قريبا نتكلم في فيديو عن اهم المهارات اللى لازم يتعلمها طبيب الاسنان .

اولا مهارات التواصل communication skills

كورسات مجانية فى مهارات التواصل

كورسات مدفوعة فى مهارات التواصل

على منصة ينفع

كورس مدفوع فى اتقان مهاراة التواصل على منصة المنتور

ثانيا مهارات القيادة

كورسات مجانية فى القيادة

كورسات مدفوعة فى القيادة

كورس مقدمة فى القيادة على منصة المنتور

مهارات القيادة الفعالة على منصة ينفع

مهارت القيادة على منصة Eyouth

ثالثا personal branding