الوقت واللي هو المصروف بتاعنا ( العمله الصعبه) ، لانه مورد محدود جدا ، ومع ذلك بنصرف منه براحتنا ولما يكون نفسنا في حاجه نافعه نحققها ، نقول اصل انا مفيش عندي وقت او امتى بس يا ريت الاقي وقت.
في المقال ده عدة نصائح عمليه علشان الاقي وقت كطبيب اسنان مشغول باستمرار كمان لما الاقي الوقت ده ازاي استغله الاستغلال الامثل.
.webp "طبيب اسنان معنديش وقت و7 نصائح لتحقيق الاهداف")
بداية لازم نكون عارفين ومحددين المشكله اصله واللي هي انا مش لاقيه وقت و هنكون عارفين كمان احنا عاوزين الوقت ده في ايه ؟!!
عندنا سؤالين مهمين لو جاوبنا عليهم هنكون شخصنا المشكلة وبالتالى نوصل باذن الله للعلاج السليم وحل المعضلة
- السؤال الاول ..هل انا فعلا معنديش وقت ؟!!
- السؤال التانى ..انا لو عندى وقت محتاجه في ايه ؟ (ايه الهدف )
ممكن حضرتك جاوب عليهم على ورقة عندك الان او بعدين خد راحتك فى وقت الاجابة بس كون صادق مع نفسك ، كمان اتفرج على الفيديو علشان تعرف ده هيساعدك ازاى فى حل المشكلة.
للاجابة عن السؤال الاول ( هل انا فعلا معنديش وقت ؟ ) :
يتم تقسيم الاجابة الى نقطتين
1- انا مشغول فى ايه ( يومى بيعدى فى ايه ) :
هنعمل طريقة معروفة بتتبع الوقت ، من اول استيقاظك من النوم الى ان تنام ووقت النوم ايضا يتم كتابته بطريقة ورقية او باستخدام طريقة رقمية بتطبيق على التليفون .
ده رابط لفيديو على اليوتيوب من قناة على وكتاب ، و طريقة فعالة لتتبع الوقت بطريقة ورقية ورقمية .
2- مااهمية مااعمله ؟
حضرتك هتعمل حصر للمهام والاوقات التى يتم استغلالها فى يومك لمهم وغير مهم مثل الصورة الموجودة بالاسفل والفيديوعلى قناة ادارى اسنان .
للاجابة عن السؤال الثانى ( انا لو عندى وقت محتاجه في ايه ؟ ماهو الهدف الذى اريد تحقيقه )
وعلشان تجاوب على السؤال ده ، مش محتاج تفكر كتير ، اطلق العنان لخيالك وفكر فى احلام لم تحققها ، وكان نفسك تحققها فى وقتها ، اكتبها واعرف ايه هيفرق معاك .
حدد حاجة واحدة فقط من احلامك او اهدافك وخطط انك تشتغل عليها فى المرحلة الحالية ، وده فيديو متميز تم ذكره بالحلقة بيلخص كتاب اسمه الشىء الوحيد
فى الفيديو الخاص بالمقال هتلاقى فكرة الهدف الذكى مشروحة Smart Goal
خطوات ونصائح لتحقيق الهدف :
- احجز وقت للهدف Time Block.
- لو الهدف كبير قطعه لقطع صغيرة لتجنب التسويف .
- ابدأ فورا بعد مااخدت قرار بتحديد الهدف .
- استمر فى الطريق للهدف مهما حصل وهبطت عزيمتك .
- استثمر وقتك الفاضى فى التعلم والتقدم .
- تابع تقدمك وشوف اثر التقدم ده عليك .
- اعرف انها الخطوة الاولى وليست الاخيرة لتحقيق الاهداف .
وتذكروا ان افضل الخلق نبينا محمد "صلى الله عليه وسلم" قال اذا قامت الساعة وفى يد احدكم فسيلة فليغرسها .
لا تتوقف عن التعلم ، لا تتوقف عن المثابرة والمجاهدة .
رابط تطبيقAction Dash الذي تم شرحه بالفيديو على القناة .
