وقت الخلاف بلاش واتساب يادكاترة
الواتس انتشر بين الناس فى اخر 10 سنوات بطريقة كبيرة لسهولة وصوله للناس وتحقيقه الهدف من التواصل وهو ان الرسالة توصل بسرعة فى الوقت المناسب ودون اعلانات ولا اي مشتتات وبأقل تكلفة .
ومع الانتشار السريع للواتس ولانه برقم الهاتف فقط وكمان لما تم الاستحواذ عليه من قبل الفيسبوك ازداد انتشاره اكتر بل ان المؤسسات الخاصة والحكومية اعتمدته واعتمدت عليه فى الوصول للموظفين وفرق العمل وتحقيق المشروعات وانجازها بشكل اسرع واسهل من الطرق التقليدية القديمة .
مزايا الواتساب بين فريق العمل بالمستشفى او داخل الوحدة الواحدة
- سرعة ايصال المعلومة او الاشارة فى اي وقت حتى اثناء النوم او انشغال الشخص المرسل اليه .
- اتخاذ قرارات اسرع من الحلول البيروقراطيه القديمة .
- لاعوائق من وصول الرسالة فى ميعاده غير انقطاع الانترنت طبعا ، على خلاف الطرق التقليدية باستخدام البريد والتلغراف والاستلام باليد وحتى الاشار التليفونية .
- استشارات بين الزملاء او الفريق اللى بتجمعهم حاجة واحدة او وسط عمل واحد وبالتالى مساعدة البعض فى ايجاد الحلول بسرعة لمشاكلهم من خلال تجارب الاخرين .
بلاش واتساب ليه ( العيوب ) :
مع المزايا دي كلها فى عيوب شديدة بتفسد العلاقات بين الزملاء وبعضهم واهم عيب فى الخدمة دي ، انها بتفتقد للمشاعر الانسانية اللى بتظهر وقت الحديث المباشروجها لوجه ، ولان الشخصين اللى بيقوموا بالشات خلف شاشة ومفيش حاجة بتعبرعن القصد الواضح والصريح للوجه ولغة الجسد اثناء القاء العبارة المقصودة ، والدليل ممكن تشاهد الفيديو الموجود بالمقال ازاى جملة واحدة من غير مايتغير فيها حاجة بس لما لغة الجسد وتعابير الوجه اتغيرت، ادت لمعانى كتير منها الطيب ومنها الخبيث .
عيب اخر مهم
سبب فى فساد العلاقات نتيجة سوء النية الغير مقصود حتى ، بمعنى ان الشخص اللى قرأ الرسالة وهو مستعجل، اوملحقش يرد لانشغاله الشديد من المحتمل جدا ، ان يفترض المرسل سوء النية فى المرسل اليه .
الحلول العمليه :
وقت الخلاف بيننا كزملاء عمل او فريق واحد:
- نقفل رسايل الواتس ، بمعنى ان الافضل لك تقفل اشعارات الواتس اللى شغالة على مدار اليوم وهتلاقى الطريقة فى الفيديو الموجود بالمقال .
- اعمل Time blocking او وقت مستقطع فى يومك لمتابعة الشغل ورسائل العمل على الواتس ولمدة محددة عن طريق تطبيق Google Calender والطريقة موجودة بالفيديو .
- نجلس للتحدث مع بعضنا وجها لوجه وامام الزملاء من الراغبين فى اصلاح ذات البين .
- الواتس اب للعمل فقط ولتنسيق العمل ، بمعنى الرسائل عليه يتم كتابتها وارسالها لاغراض العمل والتنسيق فى حال حدوث ظرف.
- اذا تطلب الامر اجراء مكالمه هاتفيه هيكون افضل طبعا لتوضيح الظرف الطارئ وده ادعى لتفهم الظرف افضل ، والحصول على الموافقة الواضحة والصريحة من الطرف الاخر بالرد على تفهم الظرف ، وطبعا المكالمة تكون فى وقت مناسب من اليوم .
اتمنى المقال يكون فيه الفائدة لحضراتكم .
