الفرق بين النقل والانتداب لطبيب الاسنان داخل وزارة الصحة
فى المقال اللى حضرتك بتقرأه الان ، والفيديو المرفق هنشرح الفرق بين النقل والانتداب لطبيب الاسنان فى وزارة الصحة ، ونعرف هل الانتداب كل ايام الاسبوع ولايومين فقط ولا 3 ايام ، وايه الفرق بين الانتداب الجزئى والكلى وايه الحالات اللى بتخلينا نختار بينهم.
الانتداب
بداية الانتداب اما كلى يعنى جميع ايام الاسبوع او جزئي يعنى ايام محدده من الاسبوع بمحل عملك الاساسي وايام اخرى بمكان اخر ، داخل نفس الادارة الصحية او المنطقة الطبية او خارجها او حتى خارج المحافظة زي الانتداب لمحافظات للتأمين الصحى الشامل .
الانتداب الكلي
الانتداب الكلي واللى بيكون جميع ايام الاسبوع بالمكان الجديد ، بيتم اللجوء اليه فى الحالات التاليه :
- لو هعمل انتداب لجهة خارجيه غير وزارة الصحة مثل التكليف بمستشفيات القوات المسلحة اثناء فترة التكليف ، او الانتداب لهيئة الرعاية الصحية ( التأمين الصحى الشامل ) فبيكون مفيش غير خيار واحد فقط وهو خيار الانتداب .
- لوانا حابب يظل لى صلة بجهة العمل الاصلية وانى ممكن ارجع تانى لها فى اي وقت لو محصلش راحة بالعمل الجديد مثل الانتداب لمستشفى من وحدة صحية او الانتداب لمركز طب اسرة .
- لو مفيش حل مرن امامى غير الندب مؤقتا مثل محاولة النقل لاحدى المحافظات الكبيرة والمقتظة بالاطباء ( القاهرة والجيزة والاسكندرية ) على سبيل المثال واللى بيرفضوا النقل لها لزيادة اعداد الاطباء لديهم .
- لو انا حابب اروح محافظة نائية وخايف التجربة متكونش مناسبة ليا وحابب اشوف الامور عاملة ازاي هناك هل هرتاح للجو الجديد والظروف تكون مناسبة انى استمر هناك ولا ارجع تاني ، فبيكون اختيار الانتداب هو الخيار المناسب .
الانتداب الكلي يتم تجديده سنويا غالبا اي كل عام بالتوجه لجهة العمل الاصلية لتجديد الندب بنفس اجراءات الندب اول مرة ( اجراءات النقل والانتداب ) .
الانتداب الجزئي :
محدد بايام محددة يتم انتدابك عليها من ايام الاسبوع من جهة عملك الاصلية وتكون فى الاغلب داخل ادارتك الصحية اونفس المنطقة الطبيه ، وتقوم بالعمل بجهتين طوال الاسبوع جهة اصلية منتدب منها وجهة منتدب عليها لسد العجز بوحدة صحية بعيدة عن المركز او لحاجة العمل احيانا ،او لحاجتك للتدريب بمستشفى قريبة بنفس المركز للاستفادة من خبرات الاخصائيين والاستشاريين بالمستشفى.
من الممكن ان يتم تحديد فترة الانتداب الجزئي شهرا او ثلاثة اشهر او حتى ستة اشهر ، ومن الممكن ترك المدة مفتوحة حسب حاجة العمل .
النقل لطبيب الاسنان
ممكن تستقر الى قرار النقل النهائي لو حصل انك خلاص استقريت فى المكان الجديد مستشفى مثلا او محافظة نائية وحابب تتلافى مشاكل الانتداب ومنها :
- مشوار الانتداب للتجديد كل سنة من جهة عملك الاصلية واللى اكيد بيكون صعب عليك جدا وخاصة بعد استقرارك بالمكان الجديد .
- او محتاج اى اوراق من ملفك او حتى كارت فيزا الرواتب وقت التجديد بتضطر انك تروح جهة عملك الاصليه علشان تجيب الاوراق الخاصة بك لانها لم يتم نقلها كاملة .
ممكن تكون كمان استقريت على بقائك بالمكان المنقول علي ، لانك حصلت على دراسات عليا زي الزمالة او الماجستير وقررت تنقل من الوقائي ( الوحدات ) الى اعلاجى ( المستشفيات ) .
اوجه التشابه بين النقل والانتداب
- وقت الحصول على الموافقات نفس الموافقات المطلوبة من المديرين ووكلاء الوزارة مع اختلاف بسيط بالصيغة .
- نفس المطلوب من مفردات المرتب وبيان الاجازات بتسلمهم للجهة المنتدب اليها او المنقول عليها واللى موظفى الجهة الاصلية بيسلموا الاوراق دي لحضرتك تلقائيا دون قيامك بطلبهم ،وده طبعا لو النقل خارج الادارة الصحية او المحافظة ( المديرية ) اما لو النقل او الندب داخل نفس الادارة الصحية او المنطقة الطبية لا يتم تقديم مفردات مرتب او بيان اجازات لان نفس مكتب شئون العاملين للجهتين الاصلية والمنتدب او المنقول عليها .
